Kulankii aan la yeeshay Madax-qaybeedyada Xarunta iyo Madaarka Cigaal
Maanta waxaan shir muhiim ah la yeeshay madax-qaybeedayada Xarunta iyo Madaarka Cigaal International Airport. Kulankan oo ka qabsoomay hoolka shirarka ee Wasaaradda, waxa aan la yeeshay madax-qaybeedyada Xarunta Dhexe iyo kuwa Madaarka Caalamiga ah ee Cigaal International Airport.
Waxaan kulankaasi diiradda ku saarnay arrimo waaweyn oo la xiriira:
- Dardargelinta maamul-wanaagga
- Hagaajinta iyo tayaynta adeegyada duulista hawada ee bulshada loo fidiyo
- Xoojinta wada-shaqeynta iyo isfahamka joogtada ah ee ka dhaxeeya waaxyaha kala duwan ee Wasaaradda
Kulankan waxa uu muujiyay sida ay Wasaaraddu uga go’an tahay in si hufan oo waxtar leh loo maamulo hawlaha shaqo ee gudaha iyo garoomada dalka, iyadoo la adeegsanayo hannaan casri ah oo hogaamin iyo is-xilqaan leh.
